सर्भर डाउन हुँदा देशभरका यातायात कार्यालय प्रभावित

काठमाडौं । सर्भर डाउन हुँदा देशभरका यातायात कार्यालय प्रभावित हुन पुगेकाे छ । भौतिक पूर्वाधार तथा यातायात मन्त्रालय अन्तर्गतका यातायात कार्यालयमा इन्ट्रानेटले काम नगरी सर्भर डाउन भएपछि सेवा प्रभावित भएको हो ।

आज बिहान सरकारी डेटा तथा अनलाइन गतिविधिको सञ्चालन तथा नियन्त्रण गर्ने केन्द्रीय विभाग सिंहदरबारको सर्भरमा समस्या आएपछि देशभरका यातायात कार्यालयको काम प्रभावित हुन पुगको हो ।

यातायात कार्यालयहरूको अनलाइन सिस्टममा समस्या आएपछि सवारी जाँचपास, दर्ता तथा नवीकरणका कामहरु प्रभावित बनेको छ ।