जुवातास खेलिरहेको अवस्थामा १३ जना पक्राउ

काठमाडौं । काठमाडौं र सुनसरीबाट जुवातास खेलिरहेको अवस्थामा १३ जना पक्राउ परेका छन् ।

काभ्रेको पनौती नगरपालिका–७ स्थित पनौती बसपार्क नजिक बस्ने दुर्गा बहादुर घलानको घरमा जुवातास खेलिरहेको अवस्थामा घलानसहित ६ जनालाई सोमबार दिउँसो प्रहरीले पक्राउ गरेको छ । जिल्ला प्रहरी कार्यालय काभ्रेबाट खटिएको प्रहरी टोलीले उनीहरूलाई नगद २३ हजार ३ सय ५५ रुपैयाँ र १ सय ६१ पत्ती ताससहित पक्राउ गरेको हो ।

यसैगरी सुनसरीको ईटहरी उपमहानगरपालिका–८ सहिद टोल बस्ने पृथ्वीराज खड्काको घरमा जुवातास खेलिरहेको अवस्थामा ७ जना पक्राउ परेका छन् । पक्राउ पर्नेमा सोही उपमहानगरपालिका–८ बस्ने ४१ वर्षीय रविन गुरागाईसहित ७ जना रहेका छन् ।

सिआरभी बसपार्कबाट खटिएको प्रहरी टोलीले उनीहरूलाई नगद २६ हजार ६ सय ५ रुपैयाँ र ३ बुक ताससहित सोमबार बेलुकी पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।