दुर्घटनामा परेको विमान ९एन–एएमई (सीआरजे २००), घाइतेलाई केएमसी लगियो

काठमाडौं । त्रिभुवन अन्तर्राष्ट्रिय विमानस्थल काठमाडौंमा केहीबेर दुर्घटनामा परेको सौर्य एयरलाइन्सको विमान ९एन–एएमई (सीआरजे २००) भएको खुलेको छ ।

काठमाडौंबाट पोखराका लागि उड्ने क्रममा सो विमान धावनमार्गमा चिप्लिएर दुर्घटनामा परेको हो । जहाजमा चालक दलका सदस्यसहित १९ जना रहेको जनाइएको छ । दुर्घटनामा १३ जनाको मृत्यु भएको जनाइएको छ ।

घाइतेहरुलाई भने उद्धार गरेर सिनामंगलस्थित केएमसी अस्पतालमा लगिएको छ । जहाजमा रहेका क्याप्टेन ३७ वर्षीय मनीष शाक्यलाई पनि उद्धार गरेर केएमसी अस्पतालमा लगिएको काठमाडौं उपत्यका प्रहरी कार्यालय रानीपोखरीका प्रवक्ता एसएसपी दिनेशराज मैनालीले जानकारी दिए।