गोरखा पहिरो अपडेट : ३ जनाको शव भेटियो

काठमाडौं । गोरखाको धार्चे गाउँपालिका-५ रेसेफाँटको पहिरोमा बेपत्ता भएका ५ जनामध्ये ३ जनाको शव भेटिएको छ । भने २ जना अझै बेपत्ता रहेका छन् ।

आइतबार राति डाँडाबाट खसेको लेदोसहितको पहिरोमा परि ६० वर्षीय सुलाल कान्छा गुरुङ उनका छोरा ३७ वर्षीय जीतबहादुर गुरुङ र बुहारी ३५ वर्षकी कान्छीमाया गुरुङको मृत्यु भएको हो ।

भीषण पहिरोमा परेर बेपत्ता भएका पाँचजनाको आइतबार दिनभर खोजी गरिए पनि फेला पार्न नसकिएपछि आज बिहानैदेखि खोजी गर्न थालिएको थियो ।

बेपत्ता भएका २ जनाको खोजीका लागि नेपाल प्रहरी, नेपाली सेना, सशस्त्र प्रहरी बल र स्थानीयवासी जुटेका छन् ।