काठमाडौं । अवैध लागु औषधसहित दुई जनालाई प्रहरीले पक्राउ गरेको छ ।
पक्राउ पर्नेहरुमा जि. नुवाकोट पञ्चकन्या गाउँपालिका वडा न. ६ घर भई हाल का.जि. तारकेश्वर नगरपालिका वडा नं. ८ बस्ने वर्ष २२ को रोशन थापा र जिल्ला नुवाकोट ककनी गाउँपालिका वडा नम्बर ७ घर हुने वर्ष ३० को राकेश बलामी रहेका छन् ।
काठमाडौं जिल्ला तारकेश्वर नगरपालिका वडा नं. ०२ जरङखु मेलमिलाप टोल स्थित शोभा श्रेष्ठको घरबाट उनीहरुलाई पक्राउ गरिएको हो ।
उनीहरुको साथमा लागु औषध ब्राउन सुगर जस्तो देखिने पदार्थ ८.५ ग्राम र नगद सात हजार चार सय रुपैयाँ बरामद गरिएको छ ।
शोभा श्रेष्ठको भुई तलामा लागु औषध बिक्री वितरण भई रहेको छ भन्ने सूचना प्राप्त हुना साथ प्रहरी वृत्त बालाजुबाट खटिएकोे प्रहरी टोलीले उक्त घरमा डेरा गरी बस्ने निजहरुलाई नियन्त्रणमा लिई प्रहरी वृत्त बालाजुबाट थप अनुसन्धान भइरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया