जुवातास खेलिरहेको अवस्थामा ५ जना पक्राउ

काठमाडौं । काठमाडौं महानगरपालिका–४ स्थित न्यू लामा सुसेली गेष्ट हाउसमा जुवातास खेलिरहेको अवस्थामा ५जना पक्राउ परेका छन् ।

पक्राउ पर्नेमा सिन्धुपाल्चोक साँगाचोकगढी नगरपालिका–८ घर भएकी ४९ वर्षीया अन्जु लामासहित ५ जना रहेका छन् ।

प्रहरी वृत्त महाराजगञ्जबाट खटिएको प्रहरी टोलीले उनीहरूलाई नगद ३२ हजार ८५ रूपैयाँ र १ बुक तास सहित सोमबार साँझ पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।