कटुवा पेस्तोलसहित एकजना पक्राउ

काठमाडौं । रौतहटबाट कटुवा पेस्तोल सहित एकजना पक्राउ परेका छन् । ईलाका प्रहरी कार्यालय गरूडाबाट खटिएको प्रहरी टोलीले १ थान कटुवा पेस्तोल सहित १ जना लाई पक्राउ गरेको हो ।

पक्राउ पर्नेमा गढीमाई नगरपालिका–१ समनपुरका विरेन्द्र राउत रहेका छन् । राउतको घरको आँगनमा झारपातले छोपी लुकाई छिपाई राखेको अवस्थामा उक्त पेस्तोल फेला पारी प्रहरीले उनलाई पक्राउ गरेको हो ।

यस सम्बन्धमा थप अनुसन्धान भईरहेको छ ।