काठमाडौंमा दिनदहाडै चोरी, दुई जना पक्राउ

काठमाडौं । काठमाडौंमा दिनदहाडै कोठाको ढोका फुटाई चोरी गर्ने दुई जना पक्राउ परेका छन् ।

पक्राउ पर्नेमा जनकपुर घर भई हाल छसेपाखा बस्ने ३८ वर्षीय दिपक खड्का र मकवानपुर घर भई हाल मरुहीटि बस्ने २७ वर्षीय निरज बिक रहेका छन् ।

गत सोमबार ज्ञानेश्वरको भैरव मार्गमा रहेको राजु नेपालीको कोठाबाट कोठाको ढोका फुटाइ सुन तथा गरगहना चोरी गर्ने उनीहरुलाई प्रहरीले मंगलबार दिउँसो पक्राउ गरेको हो ।

जिल्ला प्रहरी परिसर काठमाडौं र प्रहरी वृत्त मलिगाँउबाट खटिएको संयुक्त प्रहरी टोलीले उनीहरुलाई काठमाडौंको न्यूरोडबाट सूनचाँदीका विभिन्न गरगहना, चारी गर्दा प्रयोग गर्ने औजार, चारी गर्दा लगाएको लुगा, बा २७ प ७७६४ नम्बरको स्कुटर र मोबइलसहित नियन्त्रणम लिएको हो ।

उनीहरुमाथि प्रहरी वृत्त मलिगाँउबाट थप अनुसन्धान भइरहेको प्रहरीले जनाएको छ ।