हेलिकप्टर दुर्घटना अपडेट : दुर्घटनास्थलबाट पाँच जनाको शव निकालियो

काठमाडौं । एयर डाइनेस्टीको ९ एनएजेडी कलसाइन भएको हेलिकप्टर दुर्घटनामा पाँच जनाको मृत्यु भएको छ । मृत्यु हुनेमा चार जना चिनियाँ यात्रु र एक जना पाइलट रहेको प्रहरीले जनाएको छ ।

त्रिभुवन अन्तर्राष्ट्रिय विमानस्थलबाट उडेको तीन मिनेटमै सो हेलिकप्टर दुर्घटनामा परेको विमानस्थलले जनाएको छ । नुवाकोटको शिवपुरी गाउँपालिका–७ सूर्यचौरमा हेलिकप्टर दुर्घटना भएको हो ।

यो हेलिकप्टर काठमाडौंबाट १ बजेर ५४ मिनेटमा उडेको थियो ।

एयर डाइनेस्टीका व्यवस्थापक बालकृष्ण पण्डितका अनुसार, ४ जना विदेशीलाई स्याफ्रुबेंसी छाडेर फेरि त्यहाँबाट विदेशी नै लिएर काठमाडौं आउने गरी सो हेलिकप्टर उडेको थियो ।