सादा पोसाकको प्रहरी हुँ भन्दै रकम असुल गर्ने युवक पक्राउ

काठमाडौं । सादा पोसाकको प्रहरी हुँ भन्दै रकम असुल गर्ने एकजना युवक पक्राउ परेका छन् । पक्राउ पर्नेमा रौतहट माधवनारायण नगरपाकिा–१ बस्ने २४ वर्षीय रमेश साह रहेका छन् ।

प्रहरी कार्यालय चन्द्रनिगाहपुर रौतहबाट खटिएको प्रहरी टोलीले साहलाई नगरपालिका–१ डुमारिया चोकबाट शसस्त्र बलको तयारी पोसाकसहित पक्राउ गरेको हो ।

साहले सर्वसाधारणसँग रकम असुल गर्न खोज्नुको साथै विभिन्न व्यक्तिहरुको जिउ खानतलासी गर्ने गरेका समेत प्रहरीले जनाएको छ ।

पक्राउ पश्चात साहमाथि अभद्र व्यवहार मुद्दामा थप अनुसन्धान कार्य भइरहेको छ ।