स्रोत नखुलेको रकमसहित पाँच भारतीय नागरिक पक्राउ

काठमाडौं । बाँकेबाट स्रोत नखुलेको रकमसहित पाँच भारतीय नागरिक पक्राउ परेका छन् ।

नेपालगंजको राँझा एयरपोर्टबाट स्रोत नखुलेको २४ लाख रूपैयाँसहित पाँच भारतीय नागरिकालाई बुधबार दिउँसो प्रहरीले पक्राउ गरेको हो ।

पक्राउ पर्नेहरूमा भारत घर भएका ४४ वर्षीय प्रकाश नारायण गुप्ता, ४३ वर्षीय अजय मिश्रा, ४५ वर्षीय आषिश गुप्ता, ४६ वर्षीय बिमल गुप्ता र ३९ वर्षीय पंकज जैसवाल रहेका छन् ।

राँझा एयरपोर्टबाट काठमाडौं जान लागेका उनीहरूलाई प्रस्थान कक्षमा जाँच गर्ने क्रममा उक्त रकमसहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।