भरुवा बन्दुकसहित तीन जना पक्राउ

काठमाडौं । प्रहरीले झापाबाट भरुवा बन्दुक एक थानसहित तीन जनालाई पक्राउ गरेका छ ।

पक्राउ पर्नेमा अर्जुनधारा नगरपालिका–४ बस्ने १९ वर्षीय आदित्य लिम्बु, २२ वर्षीय छिरिङ तामाङ र २१ वर्षीय निखिल तामाङ रहेका छन् ।

सोही ठाउँस्थित रहेको इन्दिरा अधिकारीको किराना पसलमा ताल फुटाई चोरी गरेका उनीहरुलाई प्रहरीले भरुवा बन्दुकसहित पक्राउ गरेको हो ।

छिरिङ तामाङको घर चेकजाँच गर्ने क्रममा तामाङले लुकाई छिपाई अवस्थामा राखिएको भरुवा बन्दुक फेला पारेको प्रहरीले जनाएको छ । उनीहरु माथि थप अनुसन्धान भइरहेको छ ।