खोलाले बगाएर बालकको मृत्यु

काठमाडौं । दाङमा खोलाले बगाएर ११ वर्षीय बालकको मृत्यु भएको छ ।

शान्तिनगर गाउँपालिका–२ बस्ने कमल विष्टको छोरा अनिष विष्टको सोही गाउँपालिका–५ स्थित बौलाखोलाले बगाएर शनिबार मृत्यु भएको हो ।

नुहाउने क्रममा खोलाले बगाई बेपत्ता भएको भन्ने खबर प्राप्त हुनासाथ इलाका प्रहरी कार्यालय खिलतपुरबाट खटिएको प्रहरी टोलीले खोजी गर्ने क्रममा उनको शव फेला परेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।