स्वास्थ्यमन्त्रीको योजना : बीमाको दायरा बढाउने, सातै प्रदेशमा अंग प्रत्यारोपण केन्द्र

काठमाडौं । सरकारले सात वटै प्रदेशमा मानव अंग प्रत्यारोपण केन्द्र स्थापना गर्ने तयारी गरेको छ ।

स्वास्थ्य तथा जनसंख्यामन्त्री प्रदीप पौडेले आज मन्त्रालयमा पत्रकार सम्मेलन आयोजना गर्दै सो कुरा जानकारी गराएका हुन् ।

उनले सात वटै प्रदेशमा क्यान्सर रोग उपचार सेवा विस्तार गर्ने समेत बताए ।

मन्त्री पौडेलले स्वास्थ्य बीमा कार्यक्रमअन्तर्गत रकमको दायरा बढाएर कम्तीमा पाँच लाख रुपैयाँ बनाउने जानकारी दिए ।

‘हामी कर कोषबाट ल्याएर बिमामा रकम थप गरेर भए पनि स्वास्थ्य बीमाको दायरा बढाउने तयारीमा छौँ,’ मन्त्री पौडेलले भने, ‘चिनीजन्य सामग्रीमा कर लगाएर भए पनि बिमामा रकम बढाउनुपर्छ ।’