मधेश प्रदेशका चार स्थानीय तहमा खाद्य तथा पोषण कार्यक्रम

जनकपुरधाम । मधेश प्रदेशका चार स्थानीय तहमा सङ्घीय सरकारद्वारा खाद्य तथा पोषण कार्यक्रम विस्तार गरिएको छ । विश्व बैंकको सहयोगमा उक्त कार्यक्रम विस्तार गरिएको हो ।

मधेस प्रदेशको चार वटा जिल्लामा सो कार्यक्रम कार्यान्वयनमा थियो । हालै धनुषा र महोत्तरीको बाढी प्रभावित गाउँपालिकाका गरिब तथा विपन्न किसानलाई लक्षित गरी कार्यक्रम विस्तार गरिएको हो ।

यसअघि पहिलो चरणमा धनुषाका मुखियापटी मुसरनिया, धनौजी तथा महोत्तरीको पिपरा एकडारा गाउँपालिकामा कार्यक्रम सञ्चालन भइरहेको थियो । सप्तरी तथा सिरहामा पनि कार्यक्रम सञ्चालन भइरहको छ ।