पहिरोमा पुरिएर वृद्धाको मृत्यु

काठमाडौं । खोटाङमा पहिरोमा पुरिएर एक जना वृद्धाको मृत्यु भएको छ । रावाबेशी गाउँपालिका–३ बस्ने बिश्वज्योति उच्च माविकी शिक्षिका ६० वर्षीया साबित्रा देवी नेवारको पहिरोमा पुरिएर बिहीबार बिहान मृत्यु भएको हो ।

विद्यालय जाने क्रममा सोही ठाउँस्थित वडा कार्यालय छेउमा पहिरो जाँदा मानिस पुरिएर मृत्यु भएको भन्ने खबर प्राप्त हुनासाथ खटिएको प्रहरी टोलीले उद्दार गर्ने क्रममा उनको शव फेला परेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।