मोटरसाइकलले ठक्कर दिँदा बालकको मृत्यु

काठमाडौं । हेटौँडामा मोटरसाइकलले ठक्कर दिँदा एक जना बालकको मृत्यु भएको छ ।

हेटौँडा उपमहनगरपालिका–९ धापमा मयुरधापबाट हेटौँडा बजारतर्फ आउँदै गरेको बागमती प्रदेश ०३–००५प २ ४३ नम्बरको मोटरसाइकलले ठक्कर दिँदा सोही ठाउँ बस्ने रामचन्द्र अर्यालका पाँच वर्षीय छोरा सिभांस अर्यालको मृत्यु भएको हो ।

दुर्घटनाबाट गम्भीर घाइते भएका बालकको हेटौँडा अस्पतालमा उपचारका क्रममा आज बिहान मृत्यु भएको हो । मोटरसाइकल र चालकलाई नियन्त्रणमा लिई घटनाका बारेमा आवश्यक अनुसन्धान गरिरहेको प्रहरीले जनाएको छ ।