काठमाडौं । ललितपुरको कुम्भेश्वरमा आगालागी भएको छ ।
ललितपुर महानगरपालिका(१६ कुम्भेश्वरस्थित निर्माण शाक्यको दुईतले घरमा आज बिहान आगलागी भएको हो ।
सुरक्षाकर्मी र स्थानीयको समेत सहयोगमा उक्त आगो नियन्त्रण गरिएको जिल्ला प्रहरी परिसर ललितपुरका प्रवक्ता एसपी नरेशराज सुवेदीले जानकारी दिए ।
उनका अनुसार उक्त आगो निभाउनका लागि भक्तपुर र काठमाडौंबाट समेत दमकल लगिएको थियो ।
आगलागीबाट मानवीय क्षति नभए पनि धनमाल जलेर नष्ट भएका छन् । अहिले आगो नियन्त्रणमा आएको र क्षतिको विवरण संकलन गर्ने काम भइरहेको छ ।
उक्त घरको ग्याँस चुहिएर आगलागी भएको हुनसक्ने प्रहरीको प्रारम्भिक अनुसन्धानले देखाएको छ ।
यो खबर पढेर तपाईलाई कस्तो महसुस भयो ?
प्रतिक्रिया