विभिन्न मुद्दाका ४ जना फरार प्रतिवादी पक्राउ

धनगढी । विभिन्न मुद्दाका ४ जना फरार प्रतिवादीलाई प्रहरीले पक्राउ गरेको छ ।

पक्राउ पर्नेमा धनगढी उपमहानगरपालिका–४ बस्ने २६ वर्षीय विजयकुमार नेपाली र धनगढी–३ बस्ने २८ वर्षीय प्रज्वल न्यौपाने धनगढी उपमहानगरपालिका–४ बस्ने २३ वर्षीय सुविन भन्ने सुरविर डगौरा र २१ वर्षीय राज चौधरी भन्ने राज सिंह रहेका छन् ।

जिल्ला प्रहरी कार्यालयको अपराध अनुसन्धान शाखाका प्रहरी नायव निरीक्षक गजेन्द्रबहादुर चन्दको नेतृत्वमा खटिएको टोलीले दुई जना लागुऔषध र अन्य दुई जना चोरी मुद्दामा सजाय निर्धारण भएर फरार रहेका प्रतिवादीलाई पक्राउ गरेको प्रहरीले जनाएको छ ।

यस सम्बन्धमा आवश्यक अनुसन्धान र कारबाहीका लागी कैलाली जिल्ला अदालतमा पेस गरिएको प्रहरीले जनाएको छ ।