सुनको मूल्य हालसम्मकै उच्च, कति पुग्यो ?

काठमाडौं । बुधबार नेपाली बजारमा सुनको मूल्यले नयाँ रेकर्ड बनाएको छ ।

नेपाल सुनचाँदी व्यवसायी महासंघका अनुसार आज प्रतितोला छापावाला सुनको मूल्य १ लाख ५३ हजार १ सय रहेको छ । जुन हालसम्मकै उच्च मूल्य हो । त्यसो त यसअघि गत भदौ ५ गते सुनको मूल्यले नयाँ रेकर्ड बनाएको छ । जुन दिन सुनको मूल्य १ लाख ५३ हजार रहेको थियो । एक सातामै सुनको मूल्यले नयाँ रेकर्ड बनाएको हो ।

त्यस्तै आज प्रतितोला चाँदीको मूल्य १ हजार ८ सय ८५ कायम भइ कारोबार भइरहेको महासंघले जनाएको छ ।