नेपालगञ्जमा बस दुर्घटना, २७ यात्रु घाइते

नेपालगञ्ज । कोहलपुर–नेपालगञ्ज सडक खण्डको कोठापुर भन्ने ठाउँमा आज बिहीबार बिहान यात्रुबाहक बस दुर्घटनामा परेको छ । दाङबाट नेपालगञ्ज आउँदै गरेको भे १ ख २१२८ नम्बरको बस दुर्घटनामा परेको हो ।

प्रहरीका अनुसार, बस दुर्घटनामा परी २७ जना यात्रु घाइते भएका छन् । जसमध्ये दुई जनाको अवस्था गम्भीर रहेको छ ।

बस आफै अनियन्त्रित भएर दुर्घटनामा परेको प्रहरीले जनाएको छ । घाइतेलाई उद्धार गरी अस्पताल पठाइएको प्रहरीको भनाइ छ । बस चालकलाई प्रहरीले नियन्त्रणमा लिएको छ ।