रिभल्बरको ६ राउण्ड गोलीसहित एक व्यक्ति पक्राउ

काठमाडौं । सिन्धुलीको कमलामाई नगरपालिकाबाट रिभल्बरको ६ राउण्ड गोलिसहित एक जनालाई प्रहरीले पक्राउ गरेको छ ।  

कमलामाई नगरपालिका–१० दोभानबाट ४७ वर्षीय भिम बहादुर हायुलाई बिहीबार राती रिभल्बरसहित प्रहरीले पक्राउ गरेको हो । 

भिम बहादुरको घरमा हतियार लुकाई राखेको भन्ने सूचनाको आधारमा इलाका प्रहरी कार्यालय भिमानबाट खटिएको प्रहरी टोलीले घर तलासी गर्ने क्रममा चामल राख्ने प्लास्टिको ड्रमभित्र लुकाई राखेको अवस्थामा उक्त रिभल्बर र गोली फेला पारी उनलाई पक्राउ गरेको हो । 

यस सम्बन्धमा प्रहरीले थप अनुसन्धान गरिरहेको छ ।