घट्यो सुनचाँदीको मूल्य, आज कतिमा हुँदैछ कारोबार ?

काठमाडौं । आइतबार नेपाली बजारमा सुनको मूल्यमा गिरावट आएको छ ।

गत कारोबार दिन शुक्रबार प्रतितोला छापावाला सुनको मूल्य १ लाख ५२ हजार ९ सय रहेको थियो । आज सुनको मूल्य तोलामा ६ सयले गिरावट आइ १ लाख ५२ हजार ३ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै चाँदीको मूल्य पनि तोलामा २५ रुपैयाँले गिरावट आएको छ । आज चाँदीको प्रतितोला मूल्य १ हजार ७ सय ९५ रहेको छ । त्यसो त अघिल्लो कारोबार दिन चाँदीको प्रतितोला भाउ १ हजार ८ सय २० रहेको थियो ।

पछिल्लो समय नेपालमा सुनको मूल्यमा वृद्धि भइरहेको छ । गत बिहीबार सुनको मूल्य प्रतितोला १ लाख ५३ हजार २ सय कायम भएको थियो । जुन हालसम्मकै उच्च मूल्य थियो ।