जीप दुर्घटना हुँदा चालकको मृत्यु

मुगु । मुगुको सोरू गाउँपालिका–६ मा जीप दुर्घटना हुँदा चालकको मृत्यु भएको छ ।

सोरूकोटबाट सदरमुकाम गमगढीतर्फ जाँदै गरेको ग.१ ज.६४३७ नम्बरको डबल क्याप जीप सडकबाट करिब १ सय ५० मिटर तल खसेर दुर्घटना हुँदा चालकको मृत्यु भएको हो ।

सोही गाउँपालिका–३ बस्ने ४५ वर्षीय नर बहादुर बुमीको घटनास्थलमै बुधबार बिहान मृत्यु भएको हो ।

दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।