सुनको मूल्य हालसम्मकै उच्च

काठमाडौं । बुधबार नेपाली बजारमा सुनको मूल्यले नयाँ रेकर्ड बनाएको छ ।

आज प्रतितोला छापावाला सुनको मूल्य १ लाख ५३ हजार ४ सय रहेको छ । जुन हालसम्मकै उच्च मूल्य हो । त्यसो त यसअघि गत भदौ २१ गते शुक्रबार सुनको मूल्य १ लाख ५३ हजार ३ सय रहेको थियो ।

नेपाल सुनचाँदी व्यवसायी महासंघका अनुसार अघिल्लो कारोबार दिन मंगलबार नेपाली बजारमा सुनको मूल्य १ लाख ५२ हजार ४ सय रहेको थियो ।

त्यस्तै आज प्रतितोला चाँदीको मूल्य १५ रुपैयाँले वृद्धि भएको छ । यसअघि मंगलबार चाँदीको मूल्य १ हजार ७ सय ६५ रहेकोमा आज १ हजार ७ सय ८० कायम भइ कारोबार भइरहेको महासंघले जनाएको छ ।