आईसीसी विश्वकप लिग-२ खेल्न सन्दीपलाई अमेरिकाले दियो भिसा

काठमाडौं। क्रिकेटर सन्दीप लामिछानेले अमेरिकाको भिसा पाएका छन् । आइसीसी विश्वकप लिग -२ खेल्नका लागि सन्दीप लगायत खेलाडीहरुलाई अमेरिकी दूतावासले भिसा उपलब्ध गराएको हो ।

नेपाली टोली उक्त त्रिकोणात्मक सिरिजका लागि मंगलबार राति क्यानाडा उडिसकेको छ । सन्दीप पनि टिमसँगै छन् ।

क्यानडामा लिग-२ को सिरिज खेलिसकेपछि नेपाली टोली अमेरिका जाने छ। केही महिनाअघि टी-२० विश्वकपका लागि सन्दीपलाई भिसा नदिएको अमेरिकाले यसपटक भने दिएको हो।

बलात्कार मुद्दामा सन्दीपले उच्च अदालत पाटनबाट सफाइ पाइसकेका छन् भने फैसलाको पूर्णपाठ पनि आइसकेको छ।