चरेशसहित एक जना पक्राउ

 काठमाडौं । पर्साबाट अवैध लागुऔषध चरेशसहित एक जना पक्राउ परेका छन् ।

वीरगन्ज महानगरपालिका–२ डम्पिङ घाडीबाट अवैध लागुऔषध चरेश २ किलो ९ सय ६० ग्रामसहित भारत अगरा उत्तर प्रदेश कुडोल फतेहावाद बस्ने ४२ वर्षीय गोपाल गिरीलाई मंगलबार बिहान प्रहरीले पक्राउ गरेको हो ।

इलाका प्रहरी कार्यालय छपकैया समेतबाट खटिएको प्रहरी टोलीले वीरगन्जबाट भारतको रक्सौलतर्फ जाँदै गरेका उनलाई उक्त चरेशसहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।