बर्दियामा महिलाको हत्या, अभियुक्त पक्राउ

बर्दिया । बर्दियामा मंगलबार राति एक महिलाको हत्या भएको छ । बारबर्दिया नगरपालिका–५ तर्कापुरकी ३९ वर्षीया मीना थारुको मंगलबार राति साढे १२ बजे हत्या भएको हो ।

जिल्ला प्रहरी कार्यालय बर्दियाका प्रहरी नायब उपरीक्षक डीएसपी तुल्सीराम अर्यालका अनुसार बारबर्दिया नगरपालिका–११ घर भएका अन्दाजी ४० वर्षीय पप्पु भनिने शिवप्रसाद थारुले उनको हत्या गरेका हुन् ।

पप्पुलाई बारबर्दिया नगरपालिका–५ को सिटीबरेली क्षेत्रबाट प्रहरीले पक्राउ गरिसकेको छ । मीनाका श्रीमान वैदेशिक रोजगारीमा छन् । प्रहरीका अनुसार मीना र पप्पुले संयुक्तरुपमा किनेको गाडीलाई लिएर उनीहरुबीच विवाद हुँदै आएको थियो । सोही विवादमा मीनाको हत्या भएको प्रहरीले जनाएको छ ।