दाङमा तीव्रगतिको मोटरसाइकल दुर्घटना हुँदा दुई जनाको मृत्यु

काठमाडौं । दाङको घोराही–लमही सडकखण्डको बेलदमारमा बिहीबार बिहान तीव्रगतिको मोटरसाइकल दुर्घटना हुँदा दुई जनाको मृत्यु भएको छ ।

मृत्यु हुनेमा मोटरसाइकल चालक घोराही नवलपुर बस्ने २२ वर्षीय श्रवण कुमार पुन र मोटरसाइकल पछाडि बसेका घोराही–४ का २१ वर्षीय विनोद केसी रहेका छन् ।

इलाका प्रहरी कार्यालय लमहीका प्रहरी निरीक्षक प्रकाश भुसालका अनुसार, लमहीबाट घोराहीतर्फ जाँदै गरेको उनीहरु सवार रा ८ प २९४० नम्बरको मोटरसाइकल दुर्घटनामा परेको हो ।