काठमाडौं । गोरखा मिडिया नेटवर्कका सञ्चालक छविलाल जोशी पक्राउ परेका छन् ।
प्रहरीले आइतबार अपरान्ह जोशीलाई काठमाडौंबाट पक्राउ गरेको हो ।
सहकारी ठगी प्रकरणको छानबिनका लागि गठित संसदीय समितिको सिफारिसका आधारमा प्रहरीले आकस्मिक पक्राउ पुर्जी लिएर पक्राउ गरेको हो ।
उनी नेपाल प्रहरीका पूर्व डीआईजी पनि हुन् । उनलाई पोखराको सूर्यदर्शन सहकारीको रकम हिनामिना गरेको आरोप रहेको छ ।
संसदीय छानबिन समितिले विभिन्न सहकारीबाट गोरखा मिडिया नेटवर्कमा रकम ल्याएर दुरुपयोग गरेको अभियोगमा छवीलालसहित विभिन्न व्यक्तिहरुमाथि छानबिन गर्न सिफारिस गरेको छ ।
जसमा गोरखा मिडियाका तत्कालीन अध्यक्ष जीबी राई, तत्कालीन प्रबन्ध निर्देशक रवि लामिछाने र सञ्चालक कुमार रम्तेल रहेका छन् ।
सहकारीसम्बन्धी संसदीय समितिले प्रतिवेदन बुझाएसँगै कारबाही प्रक्रिया अघि बढेको छ । तत्कालीन सञ्चालक जोशी पक्राउ गरेसँगै रास्वपाले आकस्मिक बैठक बोलाएको छ । अहिले पार्टी कार्यालयमा काठमाडौंमा उपलब्ध केन्द्रीय सदस्यहरुलाई बोलाइएको छ ।
यो खबर पढेर तपाईलाई कस्तो महसुस भयो ?
प्रतिक्रिया