झापा । झापाको हल्दिबारी–३ रमाइलो चोक बस्ने ताराबल गिरीको घरमा आगलागी हुँदा १२ लाख रुपैयाँ बराबरको धनमाल जलेर नष्ट भएको छ ।
आगलागीबाट गिरीको घर र घरसँगै रहेको गोठ जलेर पूर्ण रूपमा नष्ट भएको प्रहरीले जनाएको छ ।आगलागीबाट गोठमा रहेका ९ वटा खसी बाख्रा जलेर मृत्यु भएको तथा एउटा बाछा समेत जलेर घाइते भएको छ ।
घरमा भण्डार गरी राखिएको धान, चामल, मकै, गहुँ पूर्ण रूपमा नष्ट हुँदा १२ लाख रुपैयाँ बराबरको क्षति भएको जिल्ला प्रहरी कार्यालय झापाका निमित्त सूचना अधिकारी मेहेगी ल्वामु तामाङले जानकारी दिइन् ।
भद्रपुर नगरपालिका, मेचीनगर नगरपालिका, स्थानीय मानिसहरूको सहयोगमा बिहान ४ बजे आगलागी नियन्त्रणमा आएको प्रहरीले जनाएको छ । आगलागीको कारण थाहा हुन नसकेको तामाङको भनाई छ ।
यो खबर पढेर तपाईलाई कस्तो महसुस भयो ?
प्रतिक्रिया