बजाजको ग्रान्ड कार्निभल सुरु, नयाँ खरिद र साटासाट गर्ने सुविधा

काठमाडौं ।  बजाज मोटरसाइकलको आधिकारिक वितरक एवम विक्रेता हंसराज हुलासचन्द एण्ड कम्पनीले ग्रान्ड कार्निभल आयोजना गरेको छ । नेपालीहरूको महान चाड विजयादशमी तथा दीपावलीको अवसर पारेर बजाजले कार्निभलको आयोजना गरेको हो । 

यही असोज ७ देखि सुरु भएको कार्निभल १२ गतेसम्म काठमाडौंको भृकुटीमण्डपमा जारी रहनेछ।  यस ग्रान्ड कार्निभलअन्तर्गत ग्राहकहरूले १८ भन्दा बढी भ्यालुएटर्सबाट ग्यारेन्टीको साथ सर्वाधिक भ्यालुएसन पाउन सक्नेछन्।

साथै सफारी क्यास अफर, तत्काल वित्तीय सुविधा हुनुको साथै हरेक दिन एक भाग्यशाली विजेताले लक्की ड्रमार्फत १० तोला चाँदी जित्ने मौका पाउन सक्ने कम्पनीले जनाएको छ।

यस ग्रान्ड कार्निभलमा ग्राहकहरूले आफ्नो पुरानो मोटरसाइकलसँग नयाँ बजाज बाइक खरिद र साटासाट गर्ने सुविधा पनि पाउनेछन्  ।