मोटरसाइकल दुर्घटनामा परी एकको मृत्यु 

काठमाडौं । जुम्लामा मोटरसाइकल दुर्घटनामा परी एक जनाको मृत्यु भएको छ । 

मंगलबार बिहान तिला गाउँपालिका वडा नम्बर ३ त्रिवेणीबाट तातोपानी गाउँपालिका वडा नम्बर ७ सर्मीतर्फ जाँदै गरेको क.१ प १६०५ नम्बरको मोटरसाइकल दुर्घटना हुँदा एक जनाको मृत्यु भएको हो । 

जिल्ला प्रहरी कार्यालय जुम्लाका सूचना अधिकारी भानुभक्त अर्यालका अनुसार मृत्यु हुनेमा तातोपानी–७ सर्मीका अन्दाजी ३१ वर्षीय हेमराज कुँवर रहेका छन् । मोटरसाइकल तिला गाउँपालिका वडा नम्बर ४ रावतबाडास्थित सडक बाट अन्दाजी १६० मिटर तल भेरी खोलाको छेउमा खसेको थियो । 

मोटरसाइकलमा दुई जना सवार थिए । दुर्घटना हुने बित्तिकै स्थानीयले प्रहरी चौकी कुडारीलाई खबर गरेको उनले बताए । तत्काल यस चौकी बाट प्रहरी सहायक निरीक्षक उत्तम बहादुर बोहराको कमाण्डमा ४ जना प्रहरी टोली खटिएका थिए । लगत्तै दुवै जनालाई उपचारको लागि तिला गाउँपालिकाको एम्बुलेन्सद्वारा कर्णाली स्वास्थ्य विज्ञान प्रतिष्ठान जुम्लातर्फ पठाइएको थियो ।

प्रहरीका अनुसार दुवै जनाको अवस्था नाजुक थियो । दुर्घटनामा परी घाइते मृतकका छोरा अन्दाजी ९ वर्षीय परिश्रम कुँवरको प्रतिष्ठानमा उपचार भइरहेको छ ।