खुकुरी प्रहार गरी श्रीमतीको हत्या, श्रीमान पक्राउ

काठमाडौं । उदयपुरमा श्रीमती २८ वर्षीया प्रमिला लामाको हत्या गरेको अभियोगमा प्रहरीले श्रीमानलाई पक्राउ गरेको छ ।

ताप्ली गाउँपालिका–४ थाना गाउँ घर भई त्रियुगा नगरपालिका–६ जलजले पसल गरी बस्ने ३६ वर्षीय जंग बहादुर घिसिङ तामाङलाई मंगलबार साँझ प्रहरीले पक्राउ गरेको हो ।

जंग बहादुरले विवादको क्रममा खुकुरी प्रहार गरी प्रमिलाको हत्या गरेको भन्ने खबर प्राप्त हुनासाथ इलाका प्रहरी कार्यालय जलजलेबाट खटिएको प्रहरी टोलीले उनलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।