जुवातास खेलिरहेको अवस्थामा सात जना पक्राउ

काठमाडौं । कास्कीको पोखरा महानगरपालिका–६ लेकसाईडमा जुवातास खेलिरहेको अवस्थामा प्रहरीले ७ जनालाई पक्राउ गरेको छ । 

लेकसाईडस्थित ४८ वर्षीय वीरेन्द्र लामाको हिमाली किचनमा जुवातास खेलिरहेको अवस्थामा वीरेन्द्रसहित ७ जनालाई बुधबार राति प्रहरीले पक्राउ गरेको हो । 

वडा प्रहरी कार्यालय बैदामबाट खटिएको प्रहरी टोलीले उनीहरूलाई नगद ४८ हजार ५ सय ५७ रुपैयाँ, विभिन्न विदेशी मुद्रा र २ सय १३ पत्ति ताससहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।