पूर्वडिआइजी जोशीलाई कास्की अदालतमा उपस्थित गराइयो

काठमाडौं । नेपाल प्रहरीका पूर्वडीआईजी छविलाल जोशीलाई जिल्ला अदालत कास्कीमा उपस्थित गराइएको छ ।

सहकारीको रकम अपचलनको मुद्दामा पक्राउ परेका जोशीलाइ अदालतले दिएको म्याद सकिएपछि कास्की प्रहरीले अदालतमा उपस्थित गराएको हो ।

सूर्य थापा नेतृत्वको संसदीय छानबिन विशेष समितिले गरेको सिफारिसका आधारमा सरकारको निर्देशनपछि जोशीलाई अनुसन्धानका लागि गत असोज ६ गते उपत्यका अपराध अनुसन्धान कार्यालयले काठमाडौँबाट पक्राउ गरी जहाजमार्फत पोखरा ल्याइएको थियो ।