सुनको मूल्यमा नयाँ रेकर्ड, तोलामा १ लाख ६५ हजार पुग्यो

काठमाडौं । नेपाली बजारमा सुनको मूल्य तोलामा १ लाख ६५ हजार पुगेको छ ।

शुक्रबारको तुलनामा तोलामा ६ सयले वृद्धि भइ सुनको मूल्य आज १ लाख ६५ हजार पुगेको नेपाल सुनचाँदी व्यवसायी महासंघले जनाएको छ । यो मूल्य हालसम्मकै उच्च मूल्य हो ।

त्यसो त यसअघि शुक्रबार सुनको मूल्य १ लाख ६४ हजार ४ सय रहेको थियो ।

त्यस्तै आज चाँदीको मूल्य पनि एकै दिनमा अत्यधिक रुपमा बढेको छ । आज चाँदीको मूल्य तोलामा एकैपटक ९५ रुपैयाँले वृद्धि भएको महासंघले जनाएको छ । महासंघका अनुसार शुक्रबार चाँदीको मूल्य १ हजार ९ सय ८० रहेको थियो । आज मूल्य वृद्धि भइ २ हजार ७५ पुगेको छ ।