सुनको मूल्यमा फेरि नयाँ रेकर्ड, कति बढ्यो तोलामा ?

काठमाडौं । आज (सोमबार) नेपाली बजारमा सुनको मूल्यले नयाँ रेकर्ड बनाएको छ ।  सोमबार एकै दिन प्रतितोला ६ सय रुपैयाँ मूल्य बढेपछि नेपाली बजारमा सुनको भाउ हालसम्मकै उच्च भएको हो ।

नेपाल सुनचाँदी व्यवसायी महासंघले यस दिनका लागि सुनको भाउ प्रतितोला १ लाख ६५ हजार ६ सय रुपैयाँ तोकेको छ । यसअघि आइतबार १ लाख ६५ हजार रुपैयाँ कायम भएको थियो ।

यस्तै आज चाँदीको मूल्य पनि २० रुपैयाँले बढेको छ । आइतबार तोलामा २ हजार ७५ रुपैयाँमा कारोबार भएको चाँदी आज २० रुपैयाँले  बढेर २ हजार  ९५ रुपैयाँमा कारोबार भइरहेको छ ।