काठमाडौं । पछिल्ला केही दिनमा भारतीय विमान कम्पनी एयर इण्डियालाई १०० भन्दा बढी धम्की आएका छन् ।
यी धम्कीका बीच खलिस्तानी आतंकवादी गुरपतवन्त सिंह पन्नुले अब भारतलाई धम्की दिँदै विमान उडाउने धम्की दिएको भारतीय सञ्चार माध्यम आजतकले जनाएको छ ।
पन्नुले सिख दंगाको ४० वर्ष पूरा भएपछि एयर इण्डियाको विमानमा हमला हुन सक्ने बताएका छन् ।
पन्नुले अन्तर्राष्ट्रिय यात्रुहरूलाई १ देखि १९ नोभेम्बरसम्म एयर इण्डियामा उडान नगर्न आग्रह गरेका छन् ।
पछिल्ला दिनहरुमा ‘सिख फर जस्टिस’ नामक संस्थाको स्थापना गरेका पन्नुले हरेक दिन कुनै न कुनै भड्काउपूर्ण बयान दिइरहेका छन्, जसका कारण भारतमा आतंक मच्चिएको छ ।
खालिस्तानको नाममा मानिसहरूलाई उक्साएको कारण भारतले पन्नुलाई आतंकवादी समेत घोषणा गरिसकेको छ ।
उनीमाथि अलगाववादलाई बढावा दिएको र पञ्जाबी सिख युवाहरूलाई हतियार उठाउन उक्साएको आरोप छ ।
सन् २०२० मा उनलाई गैरकानूनी गतिविधि रोकथाम ऐन (यूएपीए) अन्तर्गत आतंकवादी घोषणा गरिएको थियो ।
‘सिख फर जस्टिस’को विचारधारा पनि त्यही हो, त्यसैले यसलाई पनि प्रतिबन्ध लगाइयो ।
यससँगै एसएफजेको सामग्री सिर्जना गर्ने र देखाउने धेरै युट्युब च्यानलहरू पनि प्रतिबन्धित छन् । पन्नु अहिले फरार अवस्थामा रहेको र अमेरिकामा शरण लिएकी छन्, उनीसँग क्यानडाको नागरिकता समेत रहेको भारतीय सञ्चारमाध्यम आजतकले जनाएको छ ।
गुरपतवन्त सिंह पन्नुले भारतमा भएको आतंकवादी घटनाको जिम्मेवारी लिएका छन् । २०२३ अप्रिलमा सार्वजनिक एक भिडियोमा उनले प्रधानमन्त्री नरेन्द्र मोदीलाई आसाम भ्रमणको क्रममा धम्की समेत दिएका थिए । त्यस्तै २०२३ जुनमा पन्नु दुई महिनामा तीन अन्य प्रमुख खालिस्तानी नेताहरूको मृत्यु पछि लुकेका थिए ।
पन्नुले धर्ममा आधारित छुट्टै राज्य पञ्जाब र भारतका धेरै छिमेकी क्षेत्रहरूलाई खालिस्तान भनेर वकालत गर्दै आइरहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया