जुवातास खेलिरहेको अवस्थामा ४४ जना पक्राउ

काठमाडौं । पर्सा र कञ्चनपुरबाट जुवातास खेलिरहेको अवस्थामा १९ जना पक्राउ परेका छन् ।

पर्साको वीरगंज महानगरपालिका–८ गहवा टोलस्थित प्रभु साह कानुको टहरामा जुवातास खेलिरहेको अवस्थामा ७ जनालाई प्रहरीले पक्राउ गरेको हो । पक्राउ पर्नेमा सोही महानगरपालिका–८ गहवा टोल बस्ने ४० वर्षीय बिरेन्द्र साह कानुसहित ७ जना रहेका छन् । वडा प्रहरी कार्यालय विर्ताबाट खटिएको प्रहरी टोलीले उनीहरूलाई नगद २ लाख ६५ हजार रूपैयाँ र १ बुक ताससहित मंगलबार राति पक्राउ गरेको हो ।

यसैगरी कञ्चनपुरको भिमदत्त नगरपालिका–५ बनगाउँ बस्ने ३२ वर्षीय भिम घटालको घरमा जुवातास खेलिरहेको अवस्थामा भिमसमेत १२ जनालाई बुधबार बिहान प्रहरीले पक्राउ गरेको छ । जिल्ला प्रहरी कार्यालय कञ्चनपुरबाट खटिएको प्रहरीले उनीहरूलाई नगद ८२ हजार ३ सय २२ रूपैयाँ र ८ बुक तास सहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।