काठमाडौं। प्रधानमन्त्री केपी शर्मा ओलीले भाईटीका लगाएका छन् । बहिनीहरुको हातबाट शुभसाइतमा टीका लगाएको प्रधानमन्त्री केपी शर्मा ओली आफैले आफ्नो सामाजिक सञ्जाल फेसबुक मार्फत जानकारी दिएका छन् ।
प्रधानमन्त्री ओलीले आज बालुवाटारस्थित सरकारी निवासमा बहिनीहरुबाट भाइटीका लगाएका हुन् । भाईटीका लगाएको तस्बिर अपलोड गर्दै प्रधानमन्त्री ओलीले लेखेका छन् “बहिनीहरूबाट टीका लगाएर र बहिनीहरूलाई टीका लगाइदिएर यसपालीको तिहार समापन भएको छ।
सबैलाई शुभकामना!!!”
यमपञ्चक अर्थात् तिहारको पाँचौँ दिन आज भाइटीका हो । दिदीबहिनीले आफ्ना दाजुभाइलाई श्रद्धा, आस्था र निष्ठाका साथ दीर्घायु, आरोग्य र ऐश्वर्य प्राप्तिको कामना गर्दै परम्पराअनुसार पञ्चरंगी वा सप्तरंगी टीका लगाएर मनाइँदैछ ।
यो खबर पढेर तपाईलाई कस्तो महसुस भयो ?
प्रतिक्रिया