सशस्त्र प्रहरी महानिरीक्षक राजु अर्यालको गीत ‘ए मायालु’ सार्वजनिक

काठमाडौं । सशस्त्र प्रहरी महानिरीक्षक राजु अर्यालद्वारा रचित नयाँ गीत ‘ए मायालु’ सार्वजनिक भएको छ । गीतमा सुगम पोखरेलको स्वर तथा सुरेश गैरेको संगीत रहेको छ । गीतको भिडियोमा दिपेन्द्र तिमिल्सिनाको निर्देशन, अजय रेग्मीको छायांकन र मनोज कार्कीको सम्पादन रहेको छ ।

त्यस्तै गीतको भिडियोमा आकाश श्रेष्ठ, प्रियंका कार्की, जीवनकुमार ज्ञवाली, शिवशरण न्यौपाने, शिवराम भट्ट आदिको अभिनय रहेको छ । गीतलाई ओएस आर डिजिटल युटुब च्यानलले सार्वजनिक गरेको हो । एक साताअघि यु्ट्युवमा अपलोड गरिएको यो गीत हालसम्म तीन लाख २३ हजारले हेरिसकेका छन् ।