बागलुङमा पिकअप भ्यान दुर्घटनामा पाँच जनाको मृत्यु, एक जनाको जीवितै उद्धार

बागलुङ । बागलुङमा आज बिहान पिकअप भ्यान दुर्घटना हुँदा ५ जनाको मृत्यु भएको छ । एक जनाको जीवितै उद्धार गरिएको छ । बागलुङको जैमिनी नगरपालिका–८ छिस्तीबाट बागलुङ बजार आउँदै गर्दा ग२च ९२४७ पिकअप भ्यान दुर्घटनामा परेको हो ।

सो पिकअप भ्यान जैमिनी–७ जैदीको व्यार्थला नजिकै आज बिहान दुर्घटना हुँदा चालकसहित पाँच जनाको मृत्यु भएको हो । मृतकको पहिचान खुल्न बाँकी छ । भ्यानमा चालकसहित ६ जना सवार थिए । जिल्ला प्रहरी कार्यालयका प्रहरी निरीक्षक एवं सूचना अधिकारी केशव थापाले घाइतेको धौलागिरी अस्पतालमा उपचार भइरहेको बताए ।