काठमाडौं । कामना सेवा विकास बैंकले वित्तीय साक्षरतामूलक प्रभातफेरि कार्यक्रम सम्पन्न गरेको छ । बैंकको १८औँ वार्षिकोत्सवको अवसरमा आयोजित विभिन्न कार्यक्रम अन्तर्गत सोमबार उक्त प्रभातफेरि कार्यक्रम सम्पन्न गरेको हो ।
कर्जा, बचत तथा बैंकिङ सेवा सुविधा जस्ता विषय सम्बन्धी ज्ञान प्रदान गर्ने उद्देश्यले उक्त कार्यक्रम आयोजना गरिएको बैंकले जनाएको छ ।
बैंकको कर्मचारीहरूको उपस्थितिमा उक्त प्रभातफेरि कार्यक्रम बैंकको केन्द्रिय कार्यालय ज्ञानेश्वर देखि मैतीदेवी मन्दिर, डिल्लीबजार, नक्साल भगवती मन्दिर हुँदै पुनः बैंकको केन्द्रीय कार्यालयसम्म भएको थियो । यस प्रभातफेरि कार्यक्रमको माध्यमबाट समुदायका सदस्यहरुलाई वित्तीय व्यवस्थापन र आर्थिक अवसरहरुको बारेमा बुझ्न मद्दत पुर्याउने बैंकले विश्वास लिएको छ ।
उक्त कार्यक्रममा बैंकका उच्च व्यवस्थापन, विभागीय प्रमुखहरु, शाखा प्रबन्धकहरू तथा अन्य कर्मचारीहरूको उपस्थिति रहेको थियो । बैंकले आफ्नो १८औँ वार्षिकोत्सवको दिन २७ गते मंगलबार देशव्यापी रूपमा रक्तदान कार्यक्रमकोसमेत आयोजना गर्दैछ ।
यो खबर पढेर तपाईलाई कस्तो महसुस भयो ?
प्रतिक्रिया