हत्या अभियोगमा महिला पक्राउ

काठमाडौं । बैतडीबाट हत्या गरेको अभियोगमा प्रहरीले सोमबार राति एक जना महिलालाई पक्राउ गरेको छ । 

डिलासैनी गाउँपालिका–२ छेपट्टा डुङरी बस्ने २३ वर्षीया सुनिता बोहराको हत्या गरेको अभियोगमा उनकै जेठानी ३० वर्षीया दीपा बोहरालाई प्रहरीले पक्राउ गरेको हो ।

घरायसी विवाद भई झैँ–झगडा हुँदा दीपाले दाउराको चिरपट प्रहार गर्दा सुनिताको घटनास्थलमै मृत्यु भएको भन्ने खबर प्राप्त हुनासाथ प्रहरी चौकी सिमारबाट खटिएको प्रहरी टाेलीले उनलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।