काठमाडौं । भक्तपुरमा एक वृद्धा हातखुटा बाँधिएको अवस्थामा मृत अवस्थामा फेला परेकी छिन् ।
मृतक भक्तपुर नगरपालिका–३, दरबारस्क्वायर इछुगल्लीकी ९४ वर्षीय विष्णुकुमारी त्वयना रहेको जिल्ला प्रहरी परिसर भक्तपुरका प्रहरी नायब उपरीक्षक (डीएसपी) ढुण्डीराज न्यौपानेले लोकपथलाई जानकारी दिए ।
उनका अनुसार बुधबार साँझ ५ बजेको समयमा आफ्नै घरको कोठमा कपडाले हातखुट्टा बाँधिएको अवस्थामा शव फेला परेको हो ।
शव पोस्टमार्टमका लागि काठमाडौं मेडिकल कलेज, दुवाकोट भक्तपुर लगिएको छ ।
न्यौपानेका अनुसार शंकास्पद व्यक्तिहरुलाई ल्याएर अनुसन्धान भइरहेको छ ।
‘हालसम्म हामीले घटनामा संलग्न रहेको आशंकामा विभिन्न व्यक्तिहरुलाई ल्याएर अनुसन्धान गरेका छौँ,’ उनले लोकपथसँग भने ।
यो खबर पढेर तपाईलाई कस्तो महसुस भयो ?
प्रतिक्रिया