काठमाडौं । काठमाडौंको गोकर्णेश्वर नगरपालिका–३ स्थित गाम्छामा एकै परिवारका ३ जना आफ्नै घरको कोठामा मृत अवस्थामा फेला परेका छन् ।
मृत अवस्थामा फेला पर्नेहरुमा ३३ वर्षीया सीता दंगाल नगरकोटीसहित उनकी छोरी र दुई वर्षीय छोरा रहेका छन् ।
जिल्ला प्रहरी परिसर काठमाडौंका प्रवक्ता एसपी नवराज अधिकारीले लोकपथलाई दिएको जानकारी अनुसार घरको कोठाभित्र चुकुल लगाएको अवस्थामा उनीहरु मृत अवस्थामा फेला परेका हुन् । त्यस्तै प्रहरीले सीताका श्रीमान कान्छा नगरकोटीलाई नियन्त्रणमा लिएर अनुसन्धान गरिरहेको छ ।
प्रहरीका अनुसार कान्छाले आजै दिउँसो आफ्नो श्रीमती र छोराछोरीहरु बेपत्ता भएको भन्दै प्रहरीमा निवेदन दिन गएका थिए ।
यो खबर पढेर तपाईलाई कस्तो महसुस भयो ?
प्रतिक्रिया