यस्तो छ अल्लु अर्जुनको ‘पुष्पा २’ को ट्रेलर (भिडियोसहित)

काठमाडौं । दक्षिण भारतीय सुपरस्टार अल्लु अर्जुन र रश्मिका मन्दाना स्टारर बहुप्रतीक्षित भारतीय फिल्म ‘पुष्पा २ :द रुल’को धमाकेदार ट्रेलर सार्वजनिक भएको छ । ट्रेलर रिलिज हुने बित्तिकै फ्यानहरूमाझ हलचल मच्चिएको छ । केही घण्टाभित्रै फिल्मको ट्रेलरले सामाजिक सञ्जालमा हंगामा मच्चायो  । 

युट्यूबमा ट्रेलर  ट्रेन्डिङको तेस्रो नम्बरमा थियो । फ्यानहरूले ट्रेलरमा धमाधम कमेन्ट र शेयर गरिरहेका छन् । फिल्मले बक्स अफिसमा कमाईका सुनामी ल्याउने अनुमान पनि केहीले गर्न थालेका छन् ।  सुकुमारद्वारा निर्देशित फिल्म ५ डिसेम्बर अर्थात् २० मंसिरमा प्रदर्शन गर्ने तयारी रहेको छ । एक्सन प्रधान ट्रेलरमा अल्लु अर्जुन पुष्पराजको भूमिकामा देखिएका छन् । 

यो फिल्मको पहिलो भागले नेपालमा राम्रो कमाइ गरेको थियो । जसले गर्दा नेपाली बजारमा दोस्रो भागको पनि प्रतिक्षा रहेको छ । फिल्मले विश्वभर आक्रामक व्यापार गर्ने जनाइएको छ ।