काठमाडौं । कानुन, न्याय तथा संसदीय मामिला मन्त्री अजयकुमार चौरसियाले दुई ठूला दल कांग्रेस र एमालकोे कमी कमजोरीको कारण द्वन्द्व सुरु भएको भन्ने अभिव्यक्तिमाथि असन्तुष्टि व्यक्त गरेका छन् ।
बुधबार, विस्तृत शान्ति सम्झौताको १८ वर्ष र संक्रमणकालिन न्याय को वर्तमान अवस्था विषयक अन्तरक्रिया कार्यक्रममा उनले, सांसद कृष्ण किशोर घिमिरेले सिस्टम र प्रजातन्त्र आइसकेपछि कांग्रेस र एमालेको कमी कमजोरीको कारण द्वन्द्व सुरु भयो भन्ने धारणा राखेको भन्दै असहमति जनाएको हुन् ।
उनले भने, ‘सिस्टम आइसकेपछि प्रजातन्त्र आइसकेपछि कांग्रेस र एमालेको कमी कमजोरीको कारण द्वन्द्व सुरु भयो जस्तो कुरा गर्नुभयो । म यो कुरासँग सहमत छैन् । कांग्रेस र एमालेको कमी कमजोरीको कारण द्वन्द्व सुरु भएको होइन । यसको जवाफ उहाँहरूले दिने हो । जे भयो म कसैलाई दोष लगाउने पक्षमा छैन् ।’ मन्त्री चौरसियाले सङ्क्रमणकालीन न्याय सम्बन्धी ऐन जुन संशोधन भएको छ अहिले त्यो द्वन्द्व पीडित मैत्री भएको दाबी गरे ।
उनले भने, ‘सङ्क्रमणकालीन न्याय सम्बन्धी ऐन जुन संसोधनको भएको छ अहिले त्यो द्वन्द्व पीडित मैत्री संशोधन भएको छ । द्वन्द्व पीडितहरूले सहमति नगरेसम्म त्यसलाई टुंगो लगाउन सकिँदैन् ।’
उनले कसले गर्दा द्वन्द्व सुरु भयो भन्ने विषयमा टिकाटिप्पणी गर्नु भन्दा पनि पीडितलाई कसरी न्याय दिन सकिन्छ भन्ने कुरामा एकजुट हुन आवश्यक रहेको बताए । यसबीचमा सङ्क्रमणकालीन न्यायको विषयमा सन्तोषजनक काम नभएता पनि धेरै प्रयासका कामहरू भने भएको उनको भनाई छ ।
यो खबर पढेर तपाईलाई कस्तो महसुस भयो ?
प्रतिक्रिया