भारतीय नम्बर प्लेटको ट्रकको ठक्करबाट बल्खुमा दुईजना घाइते, तीन वटा कार र एउटा ट्याक्सीमा क्षति

काठमाडौं । बल्खुमा आज भारतीय नम्बर प्लेटको ट्रकको ठक्करबाट दुईजना घाइते भएका छन् । तीव्र गतिमा आएको भारतीय नम्बर प्लेटको ट्रकले बल्खु रोडमा रोकेर राखिएको  तीन वटा कार र  एउटा ट्याक्सीलाई ठक्कर दिँदा  दुईजना घाइते भएका  हुन् । 

उक्त  ट्रकको ठक्करबाट कार र ट्याक्सी पूर्ण रूपमा क्षति भएका छन् । ट्राफिक प्रहरी लालगोपाल अधिकारीकाअनुसार रोकेर राखेको कारलाई  पछाडिबाट आएको भारतीय नम्बर प्लेटको ट्रकले ठक्कर दिएको थियो ।

अधिकारीका अनुसार घाइते दुई जनालाई उपचारको लागि स्टार हस्पिटलमा लगिएको छ भने ट्रक चालकलाई  सानेपा प्रहरीले नियन्त्रणमा लिएको छ ।